Sa Umaga, Tanghali at Gabi

Sa umagang kay lamig

Iyong tinig aking naririnig

Sa pagmulat ng mga mata

Iyong maamong mukha aking nakikita

.

Sa umagang kay lamig

Nagsilbing init yaong pag-ibig

Mula pagtulog hanggang paggising

Ika'y nariyan sa aking piling

.

Sa tanghali namang napakainit

Tanging sa'yo lamang lumalapit

Kahit nung umaga ako'y lumisan

At tumatawag lang pag may kailangan

.

Ganyan ba talaga ang tulad mo?

Sinaktan na't tinaboy di pa rin susuko?

Dahil sa pag-ibig tinupad ang pangako

Pagkakamali ng lahat Iyong inako

.

Ang isang tulad ko ba'y karapat-dapat

Upang mahalin ng Diyos na tapat?

Ng Diyos na dakila't kabanal-banalan

Na may-ari ng lahat ng kapurihan

.

Sa gabing madilim ako'y nananamlay

Naubos ang lakas, tila walang buhay

Di Niya ako iniwan upang dumamay

Sa buong magdamag, Siya'y aking gabay

---------------------------------------------

Actually, this was the poem I was eagerly writing and polishing while waiting for my next class at the AS lobby third floor but apparently, that cute guy really caught my attention; therefore, I unexpectedly composed that second poem about him and forgot to finish this Filipino poem. However, when I got home, I completed it while typing this poem for God. :)